Да бидам искрен единствената причина поради која во овие две недели бев тивок и не пишував беше ракометот и нашите ракометари кои уште еднаш по којзнае кој пат на македонските спортски репрезентации докажаа дека со лидер , тимски дух и фантастична публика може да се стигне многу далеку . За жал во горе набројаните работи недостасусва среќата , ја немавме ниту против Германија во втората средба во првиот дел од шампионатот , ниту во дуелот со Данска во првиот меч во групата во Белград . Доколку кај кошаркарите беше наклонета и среќата на нивната страна , овојпат за ракометарите можам да кажам дека им избега во најпотребните моменти . Некогаш и таа беше тука , особено во мечот помеѓу Полска и Германија , меч кој полјаците тесно го добија во последните минути , иако имаа многу шанси порано да го решат мечот .
За сите оние кои ја бодреа Македонија во првиот дел во Ниш , како и во Белград може само да им симнам капа , навивањето беше феноменално , па со такви навивачи позади себе сигурно ќе дојде успехот кој го посакуваме . Единствена замерка кон навивачите имам околу тоа скандирање на „ клетите шиптари „ кое дефинитивно еднаш засекогаш ќе мора да се отстрани од стадионите и салите , едноставно да покажеме дека докрај можеме фер и коректно да навиваме , па единствените замерки нека ни ги даваат некакви бушави типови кои неможат да завршат факултет , а притоа составуваат закон и играат „ важна „ улога во медиумскиот простор . Кога сме веќе кај скандали и ова првенство Македонија не одмина без скандал , колумната на Гордан Ѓорѓиев во „ Утрински Весник „ преставуваше изјава во ранк на онаа изјава на бушавиот . Да бидам искрен ја прочитав колумната најмалку пет пати и неможев навистина да откријам што е толку скандалозно во оваа колумна и како тој ги критикува ракометарите , едноставно човекот со магистерски дипломи направил попара од колумна во која меша баби и жаби ( политика и спорт ) , но секако дека нема никаква зла или друга намера кон ракометарите , а беше преставен на Сител како да сакал да направи масакр врз македонските ракометари кои уште еднаш не израдуваа . Факт е и неоспорно е дека Македонија на ова Европско Првенство играше со огромен товар , товар наречен „ четврто место на кошаркарското Европско Првенство во Литванија 2011 година „ и затоа пред да започне ова првенство ( неколку часа пред да го играме првиот меч ) побарав од сите медиуми ( без разлика кои се ) да им го нарушуваат редот и мирот на ракометарите пред и по дуелите , едноставно после овој успех на кошаркарите никој не помислуваше на резултат со многу малце победи и многу порази . Но , како секогаш чаламот е многу битен па Кирил Лазаров од почетокот на годинава , па се до денеска има дадено над 100 интервјуа за тоа кои се очекувањата пред Европското Првенство , по секој меч итн. Иако има официјални средби со новинари после секој меч , сепак нашите новинарски шуги од мали и непознати портали , па се до најголемите ги вознемируваа со поставување на глупави прашања . Ракометарите имаа преголем товар на својот грб , но докажаа за овој спорт дека навистина треба да си физички и психички силен , а тие дефинитивно беа НАЈСИЛНИ .
Уште еден доказ е тоа што Македонија ниеден меч не го изгуби со повеќе од два гола , едноставно раме до раме беше со поголемите . Ова Европско Првенство докажа дека Македонија може раме до раме да биде со Шведска , Германија и Данска , репрезентации кои многу значат како во европскиот така и во светскиот ракомет . За дуелот со Германија нема многу да го коментирам , судиите  се сменети еден час пред мечот и кои за време на мечот им прогледуваат на германците низ прсти за грубата игра , во публиката седнува Претседателот на EHF кој е германец  , мислам дека кажано е се .

За време на првите два меча на ова Европско Првенство се јавија илјадници „ експерти „ кои секако не беа задоволни од Кирил Лазаров , иако статистиката покажуваше нешто обратно . Кирил Лазаров е човек и секако и тој може да греши , но Кирил Лазаров како и на претходното првенство е најдобар стрелец и еден од најдобрите асистенти . После се , знам дека истите критичари ќе одат и ќе го пречекаат Кирил Лазаров и ќе се поклонуваат пред него , заборавајќи дека до вчера токму тие го критикуваа и го плукаа , сепак тоа е Балканскиот менталитет . Доколку во кошарката увезувавме лидер , овој пат го имаме на нашето копно и го плукаме , дајте луѓе еднаш да се тргнеме од овој менталитет . Видете го Ивано Балиќ кој иако повреден игра на ова Првенство и прикажува лоша игра сепак го сметаат за бог , за нас тој бог е Кирил и во него треба да се крстиме , а не да плукаме . Веќе дваесет и првата година независност ја почнуваме па се надевам тинејџерскава болест ќе ја прележиме .
Само ќе ве замолам да се вратите не многу назад во историјата кога Кирил Лазаров беше повреден против Унгарија и едноставно унгарците и дома и во гости не убија , исто така сетете се кога ја бојкотираше репрезентацијата поради условите кои им ги овозможуваа во тоа време и губевме од смешни репрезентации . Кире е бог !

После се , можам да му се заблагодарам на РК Пелистер кој ја создал поголемиот дел од оваа генерација , како и РК Металург и неговиот спонзор Минчо Јорданов кој во неговиот тим играат 9 од 14 репрезентативци , кој за разлика од неговиот конкурент Вардар купува странци со (не)проверен квалитет , костурот на Металург и клупата е од Македонија заедно со пикерот Младен Ракчевиќ и Жарко Марковиќ ( Црна Гора ) , Станиќ ( Србија ) кој фантастично бранеше на ова ЕП и кој заминува на крајот на година со што повторно се отвара местото за прв голман од Македонија , Козлина ( Слобвенија ) и Батиновиќ ( Хрватска ) . Металург со пет странци ќе се бори во осмина финалето во Лигата на Шампиони со пет странци и 9 играчи токму од нашата македонска репрезентација . Доказ дека Македонија има квалитет , плус фантастичната младинска школа со одлични услови , сето тоа не наведува дека машкиот ракомет е на прав пат .

После се , ракометарите повторно ни ја вратија спортската еуфорија , еуфорија за која дефинитивно македонскиот народ живее . Се надевам дека ќе имаме континуитет во сите спортови и ќе редиме успеси . Потребно е тоа , но за тоа се потребни успеси , па да се осврнеме најпрво до салата Младост во Битола , спортскиот храм на битолчани каде што се играа финални мечеви од Европските ракометни купови пропаѓа т.е се наоѓа во „ Титан и за сите други сали кои пропаѓаат со текот на времето .

Момци честитки за освоеното петто место !